دیمهنى راكێشانى بۆرییهكان و دیمهنی یهكێك له كێڵگه برنجهكان... وێنه: كشتوكاڵى دهۆك.
كێشه‌ى كه‌مئاویان بۆ دروست ببوو
120 دۆنم برنجى چێندراوى ئامێدى لە وشكبوون رزگاركرا
964+
فه‌رهاد حه‌سه‌ن
كشتوكاڵى دهۆك له‌رێگه‌ى دابینكردنى كه‌لوپه‌ل و پێداویستى گواستنه‌وه‌ى ئاو، 120 دۆنم زه‌وى به برنج چێندراو، له سنوورى قه‌زاى ئامێدی له وشكبوون رزگار كرد.
جوتیارانى خاوەن کێڵگەکان رووبه‌ڕووى كه‌مبوونه‌وه‌ى سه‌رچاوه ئاوه‌كانیان ببونه‌وه، بۆیه هانایان بۆ قایمقامییه‌ت و كشتوكاڵى قه‌زاكه‌یان برد و ئه‌وانیش كشتوكاڵى دهۆكیان له‌و بابه‌ته ئاگادار كرده‌وه.
برنجه چێندراوه‌كه له سنوورى دوو گوندى ئامێدییه، ئه‌وانیش گونده‌كانى خاستۆ و لاتكایه.
كشتوكاڵى دهۆك بڵاویكردووه‌ته‌وه، پێشتر لیژنه‌یه‌كیان بۆ به‌دواداچوونى ئه‌م كێشه‌یه ناردووه‌ته ئه‌م دوو گونده، كه بۆیان ده‌ركه‌وتووه كێشه‌كه كاتى نییه و به ئاسانى چاره‌سه‌ر نابێت، بۆیە کەلوپەلى پێویستیان بۆ جوتیاران دابین كردووه.
ده‌شڵێت، له رێگه‌ى بۆرییه‌وه ئاویان له سه‌رچاوه‌ى دیكه بۆ كێڵگه برنجه‌كانى ئه‌م دوو گونده دابینکردووه و به گشتى پێویستى به 640 مه‌تر بۆرى هه‌بوو و بۆیان داندرا و چاره‌سه‌رى كاره‌باشیان بۆ كردوون.
ئه‌مساڵ له ده‌شتى هه‌ریر و باتاس برنجی سه‌دری بۆندرا به‌رهه‌م ده‌هێندرێت
