دوو تۆمەتبار لە دوکان
چەند سەر گامێشێکییان دزی و دەستگیر کران
+964
ژێوار خدر
لە دوکان دوو تۆمەتبار، چەند سەر گامێشێکی گرانبەهایان دزیوە و لەلایەن پۆلیسەوە دەستگیر کراون و دەست بەسەر ئۆتۆمبێلەکەشیاندا گیراوە.
پۆلیسی سلێمانی ئەمڕۆ سێشەممە 10.9.2024 بڵاویکردووەتەوە، مه‌فره‌زه‌كانی نووسینگه‌ی نه‌هێشتنی تاوانی دوكان، لەسەر سکاڵای هاوڵاتییەک دوو تۆمه‌تباریان ده‌ستگیركردووە، کە چەند سەر ئاژەڵێکی گەورەیان دزیوە و لەکاتی دەستگیرکردنیشیاندا دەستگیراوە بەسەر ئۆتۆمبێلێکەیاندا.
سەرکەوت ئەحمەد، وتەبێژی پۆلیسی سلێمانی بە 964ـی وت، ئەو ئاژەڵانەی کە دزراون گامێشن و ژمارەیان 4 بۆ 5 دانە دەبن.
وتیشی، خاوەنەکەیان وتویەتی گامێشەکان دابەستەن و نرخیان زۆر گرانە، بەڵام بە وردی نازانێت چەند دانەن.
پۆلیسی سلێمانی دەشڵێت، دوو تۆمه‌تبارەکە له‌دایكبووی ساڵی 1996 و 1997ن، دانیان بە تاوانەکەیاندا ناوە و به بڕیاری دادوه‌ر و بەپێی ماددەی444 لە یاسای سزادان راگیراون و لێكۆڵینەوەیان لەگەڵدا دەكرێت.
