سێ جار سنووری گوندی گەڵاڵە لە شارباژێر بۆردومان کرا
دەنگی فڕۆکە دەبیسرێت
سێ جار سنووری گوندی گەڵاڵە لە شارباژێر بۆردومان کرا
964+
دیلان محەمەد – سلێمانی
کەمێک لەمەوبەر سنووری گوندی گەڵاڵە لە ناوچەی شارباژێر بۆردومان کرا و تا ئێستاش دەنگی فڕۆکە لە ناوچەکە دەبیسرێت.
عەلی ساڵح ئەنجومەنی گوندی گەڵاڵە بە 964ـی وت، نزیکەی کاتژمێر 9:15 ی ئەمشەو 2.9.2024 سێ جار چیای ئاسۆس لە نزیک گوندی گەڵاڵە بۆردومان کراوە و هێشتا دەنگی فڕۆکە لە ناوچەکە دەبیسرێت.
باسی لەوەش کرد، بۆردومانەکە لە گوندەکەیانەوە دوورە و زیان بە خەڵکی گوندەکە نەکەوتووە، تەنیا چیای ئاسۆس بۆردومان کراوە.
“بەهۆی بۆردومانەکەوە ئاگر نەکەوتووەتەوە و چاودێری چیاکە دەکەین بۆ کەوتنەوەی هەر حاڵەتێکی ئاگرکەوتنەوە”، عەلی ساڵح وات وت.
لە ماوەی رابردوودا چەندین جار گوندی گەڵاڵە لە سنووری شارباژێری سەر بە پارێزگای سلێمانی بۆردومانکراوە و زیانی گیانی و ماددی لێکەوتووەتەوە.
پێداچوونەوە: شۆڕش قادری
