وێنەیەکی بەنداوەکە. فۆتۆ: پارێزگای هەولێر
پارێزگای هەولێر: کارەکانی بەنداوی شەوگێڕ 100%ی تەواو بووە
964+
ئەرسەلان عەبدوڵا
راگەیاندنی پارێزگای هەولێر بڵاویكردەوە، كارەكانی بەنداوی شەوگێڕ لە سنووری پارێزگای هەولێر، 100% كارەكانی تەواو كراوە.
راگەیاندراوێكی پارێزگای هەولێر ئاماژە بەوە دەكات، بەنداوی شەوگێڕ لە سنووری قەزای كۆیەی سەر بە پارێزگای هەولێر، کە بە گوژمەی (5.6 ملیار دینار ) لە سەر بودجەی وەزارەتی کشتوکاڵی حکومەتی هەرێمی کوردستان لە سەر رووبەری (230 هەزار مەتر دووجا) دروستكراوە، ئێستا بە رێژەی 100% کارەکانی تەواو بووە.
هەروەها ئەوەش خراوەتەڕوو، بەنداوی شەوگێڕ، كە بەرزییەكەی 30 مەترە، توانای گلدانەوەی (2 ملیۆن مەتر سێجا) ئاوی هەیە و ئێستاش (1.5 ملیۆن مەتر سێجا) ئاوی لێ گلدراوەتەوە، جگە لە بوونی ناوچەکە بە ناوچەیەکی گەشتیاری و سوودگەیاندن بە ئاوی ژێر زەوی، سوودی زۆری هەیە بۆ ئاژەڵداری و ئاودێری و سامانی ماسی ناوچەکە.
