نووسینگەیەکی کڕین و فرۆشتنی خانووبەرە سووتا

+964
شۆڕش هەرکی – هەولێر

ئەمڕۆ چوارشەممە 21.8.2024 لەسەر رێگای بنەسڵاوە لە شاری هەولێر نووسینگەیەکی کڕین و فرۆشتنی خانووبەرە ئاگری گرت و سووتا.

نووسینگەکە کەوتووەتە بەرامبەر بەنزینخای زیاد و کاتژمێر 11:17 بەرگریی شارستانی لێی ئاگادارکراوەتەوە.

بە قسەی شایەتحاڵانی نزیک شوێنەکە بۆ 964، هۆکاری ئاگرەکە تەقینی غاز بووە و تەنیا خاوەنەكەی بە سووکی دەستی  زامدار بووە.

دواتر 964 پەیوەندی بە وتەبێژی بەرگریی شارستانیی هەولێر كرد، بەڵام ئەویان رایگەیاند سەرقاڵی کارە و دواتر زانیاری بڵاودەکاتەوە.

پێداچوونەوە: ئەرسەلان عەبدوڵا

ئاگر لە کۆگایەکی مەڕەشە لە دوزخورماتوو کەوتەوە