زانکۆی گەرمیان بینای زانکۆکەیان دەگوازنەوە

+964

ژێوار خدر

زانکۆی گەرمیان بڕیاری داوە دوو بینای خۆی چۆڵ بکات، بینا کۆنەکانێش یەکێکیان دەکرێت بە نەخۆشخانەی فێرکاری، ئەوی دیکەشیان مۆنۆمێنتی ئەنفال .

ئەمڕۆ سێشەممە، ئاراس زەینەڵ، سەرۆکی زانکۆی گەرمیان بە 964ـی وت، بڕیارمانداوە بە گواستنەوەی هەردوو بینای سەرۆکایەتی یەک و دووی زانکۆکەمان بۆ کەمپی بەردەسوور.

وتیشی، لیژنەیەکمان درووست کردووە لە هەفتەی داهاتووەوە پڕۆسەی گواستنەوەکە ئەنجام دەدەین و هەوڵ دەدەین تا کاتی کردنەوەی دەوامی ئەمساڵ تەواوی کارەکان تەواو بکەین.

روونیشیکردەوە، بینای سەرۆکایەتی یەکی زانکۆ، دەکرێت بە نەخۆشخانەیەکی فێرکاری بۆ کۆلێژی پزیشکی و نەخۆشیش دەتوانێت سەردانی بکات و خوێندکارەکانیش سوودی لێ دەبینن، بینای سەرۆکایەتی دووش بەهۆی ئەوەی بە بینای لیوا رەشەکە ناسراوە دەکری بە مۆنۆمێنت بۆ ئەنفال و جینۆساید.

دوو باخچە بە دوو روبەری جیاواز لەناو زانکۆی گەرمیان دروست کرا