داوای چارەسەر دەكەن
كەپری كاسبكارانی راپەڕینی سلێمانی تێكدرا و ئەوانیش گردبوونەوە
964+
دیلان محەمەد – سلێمانی
ئەمڕۆ بە شوفڵ ژمارەیەك كەپری كاسبكارانی سەر شەقامی گەڕەكی راپەڕینی سلێمانی رووخێنرا و ئەوانیش گردبوونەوە و داوا دەكەن چارەسەریان بۆ بكەن.
یەكێك لە كاسبكارەكان بە 964ی وت، ئەوان رێگەیان نەگرتووە و بژێوی ژیانیشیان لەسەر ئەو كاسبیەیە و لەودیو شۆستەكەش كەپریان داناوە.
وتیشی، رێگەیان نادەن كاسبی بكەن بۆیە گردبوونەتەوە.
ئەو كاسبكارە وتی، “لەولاتری ئێمە، چەند كەپرێكیان بە شۆفڵ رووخاندووە، بەڵام من ئاگاداركرابوومەوە و خۆم كەپرەكەی خۆمم لابردووە”.
كەپرەكان سەوزە و میوە دەفرۆشن، هەروەها كەپری لەفەفرۆشتنیشی تێدایە.
یەكێكی دیكە لە كاسبكاران ئاماژەی بەوە دا، نوێنەریان چووە بۆ لای پارێزگاری سلێمانی بۆ ئەوەی كێشەكەیان چارەسەر بكرێت.
پێداچوونەوە: ئەرسەلان عەبدوڵا
