وەزارەتی تەندروستی گشتاندنی بڵاوكردەوە

لە کوردستان ئامادەكاری بۆ رووبەڕووبوونەوەی ئاوڵەی مەیمون دەكرێت

2024-08-19 | 21:25

964+
ئەرسەلان عەبدوڵا

وەزارەتی تەندروستیی هەرێم لە رێگەی گشتاندنێکەوە، كە ئاراستەی بەڕێوەبەرایەتیی گشتیی تەندروستیی شارەكان و هەروەها ئیدارە سەربەخۆكان كراوە، ئامادەكاری بۆ رووبەڕووبوونەوەی نەخۆشی ئاوڵەی مەیمون دەكات.

د. سەركار سورچی وتەبێژی وەزارەتی تەندروستیی هەرێمی كوردستان بە 964ی راگەیاند، گشتاندنەكە لە پێناو بەرژەوەندیی گشتی و پاراستنی هاووڵاتیانە لە مەترسی نەخۆشی ئاوڵەی مەیمون، کە نەخۆشییەکی هاوبەشە لە نێوان مرۆڤ و ئاژەڵ.

وتیشی، داوا لە هەموو بەڕێوەبەرایەتییە گشتییەكان كراوە کاری پێویست ئەنجام بدەن بە پەیڕەکردنی گشت رێکارەکانی ئامادەکاری و خۆپارێزی بۆ رێگەگرتن لە سەرهەڵدان و تەشەنەکردنی نەخۆشییەكە.

گشتاندنەكە ئەمڕۆ 19.8.2024 ئاراستەی بەڕێوەبەرایەتییە گشتییەكانی تەندروستی شارەكان و ئیدارە سەربەخۆكان كراوە.
لێرەدا گشتاندنەكە بڵاودەكەینەوە.