هاوڵاتییەک کەوتە ژێر رافیعەیەک و گیانی لەدەستدا

+964

شڤان عەبدوڵا – زاخۆ

لە نزیک زاخۆ هاوڵاتییەک کەوتە ژێر بەرزکەرەوە (رافیعە) و گیانی لەدەستدا.
کاتژمێر 04:30 ئێوارەی ئەمرۆ 17.8.2024 لە نزیک گوندی (کێلکێ) سەر بە ناحیەی (باتێلێ) لەیەکێک لە کۆگاکانی ئازوقە، شوفێرێکی رافیعە بەناوی (م، ف، هـ) تەمەن 17 ساڵ کۆنترۆڵی رافیعەکەی لەدەستدا و کەوتە ژێر بارهەڵگری رافیعەکە، بەهۆی زۆری کێشی رافیعەکە بە شۆفڵ شۆفێرەکە لەژێر بارهەڵگرەکە دەرهێنرا و گوازرایەوە بۆ نەخوشخانەی زاخۆ، بەهۆی سەختی برینەکەی گیانی لەدەستدا.

بەشیر عەلی، وتەبێژی هاتوچۆی زاخۆ هەواڵەکەی بۆ 964 پشتڕاست کردەوە و وتی، ” شۆفێرەکە سەرقاڵی گواستنەوەی بارەکە بوو، لەناکاو کۆنتڕۆلی لەدەستداوە و کەوتووەتە ژێر بارهەڵگرەکە و بەهۆی سەختی برینەکەی گیانی لەدەستداوە”.

پۆلیسی زاخۆش لە راگەیەندراوێکدا دەڵێت، پەڕاوی لێکۆڵینەوەیان بۆ رووداوەکە کردووەتەوە و لێکۆڵینەوەکانیان دەست پێکردووە.

پێداچوونەوە: شۆڕش قادری