وێنەی تۆمەتبار لەلایەن پۆلیسی سلێمانی بڵاوکراوەتەوە.
پێشینەی تاوانی هەیە
لە سلێمانی کەسێک بە تۆمەتی هەڕەشەکردن دەستگیر کرا
964+
شۆڕش قادری
له‌سه‌ر سكاڵای هاوڵاتییه‌ك و به‌تۆمه‌تی هه‌ڕه‌شه‌كردن، مەفرەزەكانی به‌شی پۆلیسی قه‌ره‌داغ تۆمه‌تبارێكیان ده‌ستگیركرد.
بە پێی راگەیەندراوێکی بەڕێوەبەرایەتی پۆلیسی پارێزگای سلێمانی، دوای ئه‌وه‌ی هاوڵاتییه‌ك سكاڵای تۆماركردووە كه هه‌ڕه‌شه‌ی لێكراوە، هێزه‌كانی پۆلیس لێكۆڵینه‌وه‌كانیان بۆ دۆزینه‌وه و ده‌ستگیركردنی تۆمه‌تبار ده‌ستپێكردووە و دوای گه‌یشتنه ئه‌نجامی لێكۆڵینه‌وه‌كان و وه‌رگرتنی بڕیاری دادوه‌ر، توانراوە تۆمه‌تبار له‌لایه‌ن مەفرەزەكانی به‌شی پۆلیسی قه‌ره‌داغه‌وه ده‌ستگیربكرێت.
“له‌ئێستادا تۆمه‌تبار (ج، م، ص) له دایكبووی 1980 به‌پێی مادده‌ی 2 له یاسای خراپ به‌كارهێنانی ئامێره‌كانی په‌یوه‌ندیكردن ڕاگیراوە”، پۆلیسی سلێمانی وادەڵێت.
بەڕێوەبەرایەتی پۆلیسی پارێزگای سلێمانی ئەوەشی ئاشکرا کردووە کە تۆمه‌تبار پێشینەی تاوانی هەیە و پێشتر به‌پێی مادده‌ی (382) بەغیابی و هەردوو ماددەی (413 ، 14/1) له‌یاسای سزادانی عێراقی سزادراوە.
پۆلیسی سلێمانی: دوو تۆمەتبار دەستگیركران