لە لوبنانەوە
هێرشكرایە سەر ئیسرائیل
964+
ئەرسەلان عەبدوڵا
سوپای ئیسرائیل رایگەیاند، نزیكەی 60 مووشەك لە لوبنانەوە ئاراستەی ئیسرائیل كرا و 15یان بەرپەرچداتەوە.
رادیۆی سوپای ئیسرائیل بڵاویكردەوە، ئەمشەو لە لایەن حزبوڵای لوبنانییەوە نزیكەی 60 مووشەك ئاراستەی ناوچەكانی “حانیتا، شلۆمی، بتسیت و لیمان” كراوە لە جەلیلی رۆژئاوا.
سەرچاوەكە دەڵێت، ئەم هێرشە دوای 48 كاتژمێر دێت لە كوژرانی فوئاد شوكر، كە یەكێك بوو لە سەركردە سەربازییەكانی حزبوڵا.
هەر لەم بارەیەوە میدیای ئیسرائیل بڵاویانكردەوە، نزیكەی 60 مووشەك ناوچەكانی جەلیلی رۆژئاوای لە ئیسرائیل كردووەتە ئامانج، 15 مووشەكیشیان بەرپەرچدراونەتەوە.
هێشتا باسی زەرەر و زیانەكان نەكراوە و دیار نییە مووشەكەكان چیان پێكاوە.
