بۆ مانگى حەوت لە هەولێر

نرخى یەک ئەمپێر کارەباى مۆلیدە تا نزیکەى 17 هەزار دینار دەڕوات

2024-08-01 | 20:14

964+

وریا فەتاح

مۆلیدە ئەهلییەکان لە شارى هەولێر، بە تێکڕا 385 کاتژمێر لە مانگى رابردوودا کاریان کردووە و نرخى هەر ئەمپێرێکیش لە نێوان 11 هەزار و 500 بۆ 16 هەزار و 750 دینار دیاریکراوە.

ئەندازیار قارەمان مەولوود، لێپرسراوی لیژنەی مۆلیدە ئەهلییەكان لە پارێزگای هەولێر بە 964ـى وت،”لە مانگى 7ـى 2024 دا، مۆلیدە ئەهلییەکان بە تێکڕا 385 کاتژمێر کارەبایان بە هاوڵاتیان داوە، بەمەش بۆ هەر ئەمپێرێک کارەباى مۆلیدە کەمترینى بە 11 هەزار و 500 دینار و زۆرترینیشى بە 16 هەزار و 750 دینار دیاریکراوە.

روونیشی کردەوە، بۆ هەر کاتژمێرێک بڕى 40 دینار و نیو هەژمار کراوە.

نرخەکان بەپێى گۆڕانکارى لە خشتەى کارکردنى مۆلیدەکان جیاوازن، چونکە لە هەندێک گەڕەک و ناوچە کارەباى نیشتمانى زۆرتر بووە.