41 کۆمپانیای پارێزگای قەزوین بەشدارن
یەکەمین پێشانگای قەزوین لە هەولێر کرایەوە
+964
شۆڕش هەرکی- هەولێر
ئەمڕۆ چوارشەممە، بە بەشداری 41 کۆمپانیا یەکەمین پێشانگای قەزوین لە شاری هەولێر کرایەوە و بڕیارە سێ رۆژ بەردەوام بیت.
عەلی رەحمانی، جێگری پارێزگاری قەزوین بە 964ی وت، “تەنیا لە پارێزگای قەزوین چوار هەزار کارگەی پیشەسازی و بەرهەمهێنانمان هەیە، ئامانجان لەو پێشانگایە هێنانی چەند کۆمپانیایەکی کەمی ئەو شارەیە، کە ژمارەیان 41 کۆمپانیایە.
وتیشی، پێشتر شاندێکی پارێزگای هەولێر هاتبوونە قەزوین، بۆیە لە رووی ئابوورییەوە دەمانەوێت وەبەرهێنان لێرە ئەنجام بدەین، کەرەستەی خاوێنەکەرەوی ناوماڵ، بیناسازی، خواردن و شووشەوات بەشی سەرەکی بابەتاکانی پێشانگاکەن.
ئەم پێشانگایە تا رۆژی شەممە، 3.8.2024 بەردەوام دەبێت و رۆژانە کاتژمێر 11:00 پێشنیوەڕۆ تا 5:00ی ئێوارە کراوە دەبێت.
پێداچوونەوە: ژێوار خدر
