20 دۆنم زەوی لە سنووری مێرگەسوور سووتا

964+

توانا نەقی

ئاگرێکی فروان لە گوندێکی سنووری مێرگەسوور کەوتەوە و بووە هۆی سووتانی 20 دۆنم پوش و پاوان و هۆکاری کەوتنەوەی ئاگرەکەش تا ئێستا دیار نییە.

ئەمڕۆ سێشەممە، بەرگری شارستانی سۆران بڵاویکردەوە، ئاگرەکە کاتژمێر 1:00ـی پاش نیوەڕۆ کەتووەتەوە و لەلایەن تیمەکانی بەرگری شارستانی توانراوە لە ماوەی سێ کاتژمێردا کۆنترۆڵ بکرێت.

دەشڵێت، ئاگرەکە لە گوندی کەکلە لە سنووری ناحیەی پیرانی قەزای مێرگە سوور کەوتووەتەوە.

ئاگرەکە بەشێوەیەک بووە 20 دۆنم پوش و پاوانی چیای گوندەکەی سووتاندووە، توانراوە رێگری لە فروان بوونی ئاگرەکە بگیرێت بەرلەوەی ئاگر بگاتە گوندەکە و زیان بە رەزو باخهی هاوڵاتیان و ماڵەکان بگەیەنێت.