“نۆژەنكردنەوەی بازاڕی قەیسەریی هەولێر سست بەڕێوەدەچێت”

+964

شیراز عەبدوڵا-هەولیر

دوکاندارانی زیانلێکەوتووی بازاڕی قەیسەریی هەولێر، جارێکی دیکە لە ناو دوکانە سووتاوەکانیاندا گردبوونەوە و داوای خێرا بەڕێوەچوونی کاری نۆژەنکردنەوەی بازاڕەکە دەکەن

دوو لە دوکاندارە زیانلێکەوتووەکان بە 964یان وت ، “بەشی زۆری دوکاندارانی بازاڕی قەیسەری کرێچین و ئێستادا بێ ئیش ماونەتەوە و داوا دەکەن تیمی نۆژەنکردنەوە زیاتر بکرێت .

حەلیمە ئەحمەد، ئەندامی لیژنەی نۆژەنکردنەوەی قەیسەریی هەولێر بە 964 وت ، ئەو بەشەی بازاڕی قەیسەری هەولێر شوێنەوارە و کۆنە دەبێ بە وریایی و هەستیارییەوە کاری تێدابکرێت و ئێستا لە قۆناغی چاککردنەوەدان.

لەوەتەی لە ناوەڕاستی ئایاری رابردوو بازاڕی قەیسەری سووتاوە، تا ئێستا چەند جارێكە دوكاندارانی بازاڕەكە گرددەبنەوە و داوا دەكەن بازاڕەكە خێرا نۆژەنبكرێتەوە و قەرەبووش بكرێنەوە.

شەوى 5.5.2024، بازاڕى قەیسەریی هەولێر ئاگرى گرت و بەهۆیەوە 227 دوکان و حەوت کۆگا سوتان و زیانێکى زۆرى مادى لێکەوتەوە.

پێداچوونەوە: ئەرسەلان عەبدوڵا

لە ماوەى یەک ساڵدا رووکارى دەرەوەى دوکانەکانى بازاڕى قەیسەرى نۆژەن دەکرێتەوە