پێوەرى ئاو... وێنە: ئاوى سۆران
لە دهۆکیش
لە ئیدارەى سۆران مامەڵەى پێوەرى ئاو راگیرا
964+
وریا فەتاح
لە سنوورى ئیدارەى سەربەخۆى سۆران، کارەکانى کۆمپانیاى جێبەجێکارى پڕۆژەى پێوەرى ئاو راگیراوە و داوا لە هاوڵاتیان دەکرێت ئەمڕۆ سەردانى کۆمپانیا نەکەن.
بەڕێوەبەرایەتى ئاوى سۆران لە ئاگادارییەکدا بڵاوى کردووەتەوە، بەهۆى چەند گرفتێک لە سێرڤەرە سەرەکییەکان کۆمپانیاى جێبەجێکارى سیستمى پێوەى ئاوى سنوورى ئیدارەى سەربەخۆى سۆران، کۆمپانیاکە ئاگادارى کردوونەتەوە کە بۆ ئەمڕۆ دووشەممە کارەکانى خۆى رادەگرێت.
لە ئاگادارییەکەدا ئاوى سۆران داوا لە هاوڵاتیان دەکات، بۆ ئەمڕۆ دووشەممە سەردانى کۆمپانیا نەکەن بۆ رایکردنى مامەڵەکانیان.
لاى خۆیەوە، بەڕێوەبەرایەتى ئاوى دهۆکیش لە ئاگادارییەکدا بڵاوى کردووەتەوە کە بەهۆى کێشەیەک لە سێرڤەرى کۆمپانیاى وەرگرتنى کرێى ئاو، داوا لە هاوڵاتیان دەکات سەردانیان نەکەن و ئەمڕۆ مامەڵەى ئاو رایى ناکرێت.
