پۆلیسى سۆران دیمهنێكى ئه‌و كهلوپهلانهى بڵاوكردووهتهوه كه له ناحیه‌ى دیانا دزرابوون.
له سۆران
دزێك ده‌ستگیركراوه جگه له پاره به‌ڵگه‌نامه‌شی بردووه
964+
فه‌رهاد حه‌سه‌ن
پۆلیسی ئیداره‌ى سۆران بڵاویكردووه‌ته‌وه، ئه‌مڕۆ كه‌سێكیان ده‌ستگیركردووه كه ماوه‌یه‌ك له‌مه‌وبه‌ر قاسه‌ى ماڵێكى دزیبوو، جگه له پاره و زێڕ و به‌ڵگه‌نامه‌كانیشی بردبوو.
رووداوه‌كه له 18.6.2024 له گه‌ڕه‌كى نه‌هری ناحیه‌ى دیانا روویداوه، كاتێك كاتژمێر 10:00 سه‌رله‌به‌یانى هاوڵاتییه‌ك پۆلیسی سۆران له‌م بابه‌ته ئاگادار ده‌كاته‌وه.
پۆلیس ده‌ڵێت، ئه‌و ماڵه‌ى دزی لێكرابوو ماڵى ژنێكه له‌و گه‌ڕه‌كه، دواى ده‌ستكه‌وتنى زانیارى و به‌دواداچوون بۆ دۆزینه‌وه‌ى، توانیویانه ئه‌مڕۆ بكه‌رى تاوانه‌كه به‌ناوى (م.ص.م) ده‌ستگیرى بكه‌ن.
به‌قسه‌ى پۆلیس ئه‌و كەلوپەلانەى له‌ناو قاسه‌كه دزرابوون بریتی بووه له سێ هه‌زار و 300 دۆلاری ئەمریكی، 15 مسقال زێڕ، 75 هەزار دینار و بەڵگەنامە كەسیەكان.
ئاماژه به‌وه‌شكراوه، دادوەری لێکۆڵینەوەی سۆران و بەپێی ماددە (443) لە یاسای سزادان بە تۆمەتی دزینی قاسەکە، بە پشتبەستن بە بەڵگەكان دەستگیرى کردووه و تۆمەتبار دانی نا بە تاوانەکەیدا.