ئاسایش لەبارەى تەقینەوەى ئۆتۆمبێلەکەى سلێمانى روونکردنەوەیەکى بڵاوکردەوە

964+

وریا فەتاح

دەزگاى ئاسایشى هەرێم، لەبارەى رووداوى تەقینەوەى ئۆتۆمبێلێک لە نزیک پڕۆژەى میران سیتى، روونکردنەوەیەکى بڵاوکردەوە و دەڵێت،”دوو کەس بریندارن”.

بەپێى روونکردنەوەکەى ئاسایش بێت، رووداوەکە کاتژمێر 11:30 خولەک لە نزیک پڕۆژەى میران سیتى روویداوە کە بەهۆى تەقینەوەی ئۆتۆمبێلێک لەجۆری کیا سپۆرتاج رەنگی سپی دوو کەس بە سەختى بریندار بوون.

ئاشکراى کردووە، یەکێک لە بریندارەکان شۆفێرى ئۆتۆمبێلەکەیە و ئەوەى دیکە سەرنشین بووە.

جەختیش کراوەتەوە، لێکۆڵینەوە لە هۆکارى تەقینەوەکە بەردەوامە.

روونكردنەوەی ئاسایش پشتڕاستكردنەوەی هەواڵێكی 964ـە كە لە رێگەی سەرچاوەیەكی نەخۆشخانەی شارەوە دەستیكەوتووە و تێیدا ئاماژە بەوە كراوە تەنیا دوو كەس لە تەقینەوەكەدا بریندارن.

سەرچاوەیەك لە نەخۆشخانەی شار بۆ 964: تەنیا دوو بریندار گەیەندراونەتە نەخۆشخانە