دکتور کیارەش مورادی بەهۆی فشاری کارەوە گیانی لەدەستدا وێنە: ئاژانسەکان
72سەعات بەرگەی نەگرت
پزیشکێک لە پاوە گیانی لەدەست دا
964+
سۆما حەکیم زادە
دکتۆر کیارەش مورادی پزیشکی خەڵكی شاری پاوەی رۆژهەڵاتی کوردستان، بە هۆی گوشاری زۆری کارکردنەوە، کە 72 کاتژمێربوو لە یەکێک لە ناوەندە پزیشکییەکانی تاران گیانی لەدەست دا.
ئەو لە خانەی بەساڵاچوان پزیشک بووە، محەمەد شەریف موقەدەم، ئەمینداری گشتیی خانەی بەساڵاچوان رایگەیاند، لە ماوەی کەمتر لە مانگێک سێ پەرستاری تریش بەهۆی زۆری فشاری کارکردنەوە لە کاتی خەوتندا گیانیان لەدەستداوە.
دایک و باوکی دکتور کیارەش پزیشکن، ئەوان رایانگەیاند کە جەستەی کوڕەکەیان دەبەخشن بەو نەخۆشانەی کە پێویستیان بە چاندنی ئەندامانی جەستە هەیە.