هەزار و 325 نەشتەرگەری کراوە
مانگی رابردوو نەخۆشخانەی شار پێشوازی لە نزیکەی 27 هەزار نەخۆش کردووە
964+
ژووری هەواڵ
نەخۆشخانەی شار لە سلێمانی لە مانگێكدا پێشوازی لە 26 هەزار و 671 هاوڵاتی كردووە، کە زۆربەیان چوونەتە بەشی فریاکەوتنی نەخۆشخانەکە.
ئەمڕۆ سێشەممە 11.6.2024، بەرێوبەرایەتی گشتی تەندروستی سلێمانی ئاماری مانگی رابردووی بڵاوکردەوە و رایگەیاند، لەماوەی مانگی رابردوو لە رێكەوتی (1 بۆ 31.5.2024) لە نەخۆشخانەی شار 26 هەزار و 671 هاوڵاتی نەخۆش سەردانی نەخۆشخانەی شاریان كردووە، لەو ژمارەیە 19 هەزار و 786 نەخۆش سەردانی بەشی فریاكەوتنیان کردووە.
هەر بەگوێرەی ئاماری تەندروستی سلێمانی، یەک هەزار و 79 نەخۆش سەردانی بەشی گورچیلەی دەستكردی نەخۆشخانەكەیان كردوە و چارەسەری پێویستیان بۆ كراوە.
مانگی رابردوو شەش هەزار 724 نەخۆش داخڵكراون لەنەخۆشخانەی شار، لەو ژمارەیە یەک هەزار و 955 نەخۆش لە بەشی فریاكەوتن و یەک هەزار و 54 نەخۆش لەبەشی گورچیلەی دەستكرد و 913 نەخۆش لەبەشی نەشتەرگەری و 984 نەخۆش لەبەشی هەناوی و 650 نەخۆش لەبەشی شكاوی داخڵ بوون.
هەر لەو ماوەیەدا لەنەخۆشخانەی شار هەزار و 325 نەشتەرگەری جۆراوجۆر و 118 نەشتەرگەری قەستەرە و 75 نەشتەرگەری شەبەكە و باڵۆن ئەنجام دراوە.