ئیدارەی دەربەندیخان بۆ جەژن شارەکە رێکدەخاتەوە

964+

پێشەوا محەمەد

قایمقامیەتی دەربەندیخان لەگەڵ لایەنە پەیوەندیدارەکان چەند بڕیارێکیان بۆ رێکخستنەوەی شارەکە داوە لە رۆژانی جەژنی قورباندا، قایمقام دەڵێت، سەرپێچیکاران سزا دەدەن.

ئەمڕۆ سێشەممە کۆبوونەوەیەک لە قایمقامیەتی دەربەندیخان کراوە و هەرەیەکە لە دەزگا ئەمنییەکان، ڤێتێرنەری و شارەوانیی دەربەندیخان تێیدا بەشدار بوون.

سلێمان محەمەد، قایمقامی دەربەندیخان بە 964ـی وت، “بڕیارەکان بەشێکیان پێشتریش هەبوون و جەختمان لەسەر کردوونەوە، هەندێکیشی تازەن تایبەت بە جەژنی قوربانی پیرۆز”.

وتیشی، “لیژنەکان چاویان کراوەیە و بەردەوام چاودێریی بازاڕ و شەقامەکان دەکەن و سەرپێچیکاران سزا دەدرێن”.

بڕیارەکانی قایمقامیەت و لایەنە پەیوەندیدارەکانی دەربەندیخان:

*دووبارە رێکخستنەوەی بازاڕ و تووندوتۆڵکردنەوەی جێبەجێکردنی بڕیارەکان.

*چارەسەرکردنی کێشەی ماتۆڕسکیلەکانی ناوشار کە هۆکارن بۆ بێزارکردنی هاوڵاتیان و جێبەجێکردنی مەرجە یاساییەکان.

*جێبەجێکردنی هەموو مەرجە یاسایی و تەندروستییەکان بەسەر سەربڕینخانەی دەربەندیخان.

*ئەنجامدانی خۆپێشاندانی شەوانە و لێپرسینەوە لە ئۆتۆمبێلی بێ سەرەتا و جامڕەش و کارڕایی تەواو لە دژی تۆمەتباران.

*گەڕانی ئۆتۆمبێلی کۆمپانیای ئۆرانۆس بۆ پاکڕاگرتنی شار لە رۆژانی جەژنی قورباندا.

*بەردەوامیی گەڕانی لیژنەی زیادەڕۆیی لە رۆژانی جەژن و پشووەکاندا.

قایمقامیەتی دەربەندیخان کارێک لە نۆرینگەکان قەدەغە دەکات