ئەپڵ بەرهەمی نوێی ناساند
+964
بڵند عوسمان – هەولێر
ئەپڵ دوو جۆر لاپتۆپی نوێی راگەیاند بە بەهێزترین پڕۆسێسەری جیهان، کە پڕۆسێسەرەکانی M2 Max و M2 Pro بوون.
کۆمپانیای ئەپڵ، دوێنێ سێشەممە 17ـی کانونی دووەم، لە کۆنگرەیەکی تایبەتدا چەند بەرهەمێکی نوێی ناساند، یەکەم بەرهەمیش ماکبووک پڕۆی 14ئینجی بوو بە پڕۆسێسەرەکانی M2 Max و M2 Pro کە نرخەکەی لە 1999 دۆلار دەستی پێدەکات.
بەرهەمی دووەم ماکبووکێکی تر بوو کە قەبارەکەی 16 ئینج بوو بە هەمان شێوە پڕۆسێسەرەکانی M2 Max و M2 Proلەسەر بوو، و نرخەکەشی لە 2499 دۆلار دەستپێدەکات.
بەرهەمێکی تری کۆمپانیای ئەپڵ کە ناساندی بریتی بوو لە ماک مینی کە بە دوو جۆر پڕۆسێسەر بەردەست بووە ئەوانیش پڕۆسێسەرەکانی M2و M2 Pro وە نرخی دەستپێکیش 599 دۆلار بوو
ئەپڵ ساڵانە لە مانگی 11 لە کۆنگرەیەکی تایبەتدا چەند جۆرێکی ماک بووکی نوێ نمایش دەکات، بەڵام ئەم ساڵ بەهۆی کێشەکانی لە چین نەیتوانی لەوادەی خۆی بەرهەمە نوێکانی نمایش بکات.