تەمەنی نزیکەی 70 ساڵە
دوای 15 رۆژ لە ونبوونی تەرمی هاوڵاتییەک لە هەولێر دۆزرایەوە
964+
فەهمی نەبی
بەرگری شارستانی هەولێر رایگەیاند، کەمێک لەمەوبەر تەرمی ئەو هاوڵاتییە دۆزرایەوە کە لە رۆژی 9.4.2024 ون ببوو.
ئەو هاوڵاتییە ناوی “فایەق بابە عەبدوڵا”یە، تەمەنی نزیکەی 70 ساڵە و بەقسەی کوڕەکەی بێت، کە پێشتر بۆ 964 قسەیکردووە، کێشەی لەبیرچوونەوەی هەبووە و لەگەڵ ئەوەدا نەشتەرگەری ئەژنۆ بۆ کرابوو.
ئەو شوێنەی تەرمی ئەو هاوڵاتییەی لێ دۆزراوەتەوە، دەکەوێتە قەراخ شەقامی 120 مەتری و لە شوێنێکی چۆڵ و تەنراو بە قامیشەڵان لە ناحیەی دارەتوو.