کاسبکارێک: خاوەن مێز هەیە 10 دەفتەر زیانی کردووە
هێشتا زیانەکانی ئاگرەکەی شەوی رابردووی بەردەم بازاڕی نیشتمان نادیارە
+964
شۆڕش هەرکی – هەولێر
شەوی رابردوو دوو ئاگر لە دوو کاتی جیاواز لە بازاڕی شاری هەولێر کەوتەوە و سێ دوکان لە بازاڕی شێخەڵا و ژمارەیەک مێز و کەپر لە بەردەم بازاڕی نیشتیمان سووتان.
چەند کاسبکارێک ئەمڕۆ بە 964یان وت، لە ئاگرەکەی بەردەم بازاڕی نیشتمان خاوەن مێز هەیە زیاتر لە 10 دەفتەر دۆلار زیانی بەرکەوتووە و هیچ کەلوپەلێک و جلوبەرگێکی بۆ دەرنەچووە.
ئاگری یەکەم دوای کاتژمێر هەشتی شەو کەوتەوە و ئاگرەکەی دووەمیش کاتژمێر 11:30 شەو دروست بوو، تا ئێستا هیچ لایەنێکی پەیوەندیدار لەشاری هەولێر هۆکار و قەبارەی زیانەکانیان دیاریی نەکردووە.
پێداچوونەوە: ئەرسەلان عەبدوڵا