خانەقین یاد و جەژنە نەتەوەییەکانی لە یەک رۆژدا کۆکردەوە

964+
راژان باجەلان – خانەقین

قوتابخانە سەرەتایی، ناوەندی و ئامادەییەکانی خانەقین ئەمڕۆ دووشەممە 22.4.2024 فێستیڤاڵی یاد و جەژنەکانی نەورۆزیان لە هۆڵی کولتووری خانەقین سازکرد.

ئەوان، چەند چالاکییەکی جیاواز ئەنجامدا، وەک شانۆ، سروود، هۆنراوە، کاری دەستی و دابەشکردنی خواردەمەنی کوردەواری،

مامۆستا دەشتی جەمال، ئەندامی لیژنەی باڵای فێستیڤاڵەکەیە ئەو بە 964 ی وت، بە بەشداری زیاتر لە 40 قوتابخانەی سەرەتایی و ناوەندی و ئامادەیی لە خانەقین و بە سەرپەرشتی بەرێوەبەرایەتیی پەروەردەی خانەقین ئەو فێستیڤاڵەیان سازکردووە، زیاتر جەختیش لەسەر ئەوە کرایەوە بەرگی کوردی شارەکە نیشان بدرێت.

ئاماژەی بەوەش دا، ئەوان مەبەستیان بووە، یادە کارەساتبار و بۆنە و جەژنە نەتەوەییەکانی کورد، لە یەک کات و رۆژدا نمایش بکەن و نیشانی بەشداربووانی بدەن.

مامۆستا غادە غازی ئاغا بەڕێوەبەری قوتابخانەی هاوکاریی سەرەتایی-یە، ئەو قسەی بۆ 964 کرد و وتی، قوتابخانەکەمان بە چەند چالاکییەکی هونەری جیاواز بەشداریی کردووە، دەبێت ئەم جۆرە چالاکییانەش زیاد بکرێت لە شارەکە و بکرێت بە نەریتێک تا رەسەنایەتی کوردبوونی خۆمان بپارێزین و بۆ نەوەکانی ئاییندە وەک کولتوورێک بمێنێتەوە.

پێداچوونەوە: ئەحمەد مستەفا

دواى چەندین ساڵ سوننە و شیعەى خانەقین بەیەکەوە جەژنیان کرد

شۆفێرانی خانەقین ئەمڕۆ کۆبۆنی بەنزینیان بۆ نوێ دەکرێتەوە