چواریان تەندروستییان ناجێگیرە
لە رووداوێکی هاتوچۆدا 11 کەس برینداربوون
964+
سیروان خورشید-دوزخورماتوو
کەمێک پێش ئێستا لەسەر رێگای کەرکوک – بەغدا لە سنووری نێوان داقوق و خورماتوو، ئۆتۆمبێلێکی کیای نەفەر هەڵگر وەرگەڕا و 11 سەرنشین برینداربوون، چواریان برینیان سەختە.
فەرمان نەشئەت بەڕێوەبەری نەخۆشخانەی داقوق بە 964ی وت، رووداوەکە جۆری وەرگەڕان بووە و ئۆتۆمبێلی کیای نەفەرهەڵگر لە کەرکوکەوە بە ئاراستەی خورماتوو رۆیشتووە، لە نزیک چێشتخانەی باخیرە کۆنترۆڵی لەدەستداوە و وەرگەڕاوە.
وتیشی، دوای ئەوەی ئەمبوڵانسیان ئاراستەی شوێنی رووداوەکە کردووە، ئێستا 11 بریندار گەیەندراونەتە نەخۆشخانە و برینی چوار کەسیان قورسە و باری تەندروستیان ناجێگیرە و لەژێر چاودێریی پزیشکدان و پاشان رەوانەی نەخۆشخانەی کەرکوک دەکرێن.
بەپێی زیانیارییەکانی 964 ئۆتۆمبێلەکە لە گەشتکردن لە سلێمانییەوە گەڕاونەتەوە و دەیویست بەرەو دیالە بگەڕێتەوە.
پێداچوونەوە: ئەرسەلان عەبدوڵا
