دیمەنی رووداوە هاتوچۆکە - وێنە: راگەیاندنی نەخۆشخانەی هەریر
برینی چواریان سەختە
لە رووداوێکی هاتوچۆدا حەوت کەس بریندار بوون
964+
ئاکام عومەر – خەلیفان
بەهۆی رووداوێکی هاتوچۆوە کە لە رێگەی نێوان خەلیفان – هەریر روویداوە، حەوت هاوڵاتی بریندار بوون و برینی چواریان سەختە.
رووداوەکە کەمێک پێش ئێستا لەسەر پردی قەندیل لەنێوان ئۆتۆمبێلێکی جۆری هۆندا ئەیلیکترا و شۆفرلێت ئۆپترایەک روویداوە.
بەپێی زانیارییەکانی 964، لەناو هەردوو ئۆتۆمبێلەکە 10 سەرنشین هەبوون.
محەمەد ئامۆکەیی، بەرپرسی راگەیاندنی نەخۆشخانەی هەریر بە 964ـی وت، “دوای ئاگاداربوونەوەمان لە رووداوەکە تیمەکانمان چوونە شوێنی رووداوەکە و بریندارەکانمان گواستنەوە نەخۆشخانەی هەریر”.
وتیشی، “چوار برینداریان برینیان سەختە و رەوانەی نەخۆشخانەی رۆژئاوای هەولێر کراون”.
پێداچوونەوە: پێشەوا محەمەد
