ژن و پیاو و گەنج و پیر
دانیشتوانى گوندێک بەیەکەوە جەژن دەکەن
964+
میلاد جەلال- گەرمیان
دانیشتوانى گوندى قولەبەرز لە سنورى گەرمیان، بەیەکەوە نوێژى جەژنیان ئەنجامدا و بەیەکیشەوە نانى جەژنیان خوارد.
سەرەتا دانیشتوانى گوندەکە بەژن و پیاو و گەنج و پیر و منداڵ، لەسەر رۆخى رووبارى سیروان نوێژى جەژنیان ئەنجامدا و دواتر هەموویان لەسەر سفرەیەک نانى جەژنیان خوارد.
کاروان باقى، ئیمامى مزگەوتى قولەبەرز بە 964ـى وت،”پەیامیان لەو کارەدا تەبایى و پێکەوەبوونە، لە جیاتى ئەوەى دوو کەس و سێ کەس لەسەر سفرەیەک دابنیشن و جەژنێکى ساردو سڕ بەڕێ بکەن، بڕیارمانداوە لەمەودوا هەموومان پێکەوە جەژن بکەین، لەو رێگەیەوە هەمووان وەک یەک خێزانى گەورە پێکەوە بین”.
داڕشتنەوە: وریا فەتاح