گەرمیان؛ چه‌كدارى نه‌ناسراو دوو شوانیان رفاند

+964
هونەر فارس – گەرمیان

بە قسەی فەرماندەیەکی سەربازیی، لە گوندی قەڵای سەر بە قەزای کفری، دوو شوان لە لایەن چەکداری نەناسراوه‌وه‌ رفێندراون.

رفاندنەکە پێشنیوەڕۆی ئەمڕۆ یەکشەممە روویداوە و خەڵکی ناوچەکە گومانیان لە چەکدارانی رێکخراوی دەوڵەتی ئیسلامی لە عێراق و شام (داعش) هەیە.

سەرچاوە سەربازییەکە بە 964+ی وت، تا ئێستا چارەنووسی ئەو دوو شوانە نادیارە کە تەمەنیان لەنێوان 15 بۆ 20 ساڵیدایە.

لە ماوەی رابردوودا، چەندینجار شوان و خەڵکی گوندەکانی سنوری گەرمیان و ناوچەکانی مادەی 140 لە لایەن چەکدارانی نەناسراو رفێندراون و دواتر داوای پارەیان کردووە لە کەسوکارەکانیان لە بەرانبەر ئازادکردنیان.