دەستپێکرردنی پرۆژەکە - Social Media
شەقامێکی دیکەی 100 مەتری لە هەولێر دروستدەکرێت
964+
هێمن بەکر – هەولێر
ئەمڕۆ یەکشەممە، بەردی بناغه بۆ دروستکردنی شەقامێکی دیکەی 100 مەتری لە هەولێر دانرا، كه دهكهوێته نێوان گەڕەکهكانی پێنج و هەشتی حەسارۆک.
ئەو شەقامە بە گوژمەی زیاتر لە یەک ملیار دینار لەسەر بودجەی پەرەپێدانی پارێزگای هەولێر جێبەجێدەکرێت.
لە کۆنفرانسێکی هەواڵیدا و لە شوێنی بەردی بناغەکە، ئومێد خۆشناو، پارێزگاری هەولێر رایگەیاند، قۆناغی یەکەمی ئەو شەقامە دوو کیلۆمەتر دەبێت و لە رێگەی کەسنەزانەوە دەستپێدەکات و سەر بە شارەوانی چواری هەولێرە، هەروەها 175 رۆژ دانراوە بۆ تەواوکردنی.
وتیشی”دانیشتووانی گەڕەکەکانی نزیک لە شەقامەکە سودی لێ وەردەگرن و قەرەباڵغی رێگای کۆڕنیش کەمدەکاتەوە”.
964+
دەزانێت، ئەو شەقامە دوو سایدە، بەڵام لە قۆناغی یەکەمیدا تەنیا یەک سایدیان دروستدەکرێت، تاوەکو ئێستا کاتی قۆناغی دووەم دیارینەکراوە.