دیمەنی قەزای بازیان - وێنە: 964
"سزای دوکاندارەکان دەدرێت"
لە بازیان لێپێچینەوە لەو منداڵانە دەکرێت تەقەمەنی دەتەقێنن
964+
پێشەوا محەمەد
قایمقامیەتی بازیان یاریی ئاگرین و تەقەمەنی قەدەغە کردووە و دەڵێن، بە هەر منداڵێکەوە بیبینن لێپێچینەوەی لەگەڵ دەکەن تا بزانن لەکوێ کڕیویەتی.
قایمقامیەتەکە لیژنەیەکی هاوبەشی هەیە و بەسەر دوکان و بازاڕ و مارکێتەکانی بازیان و شارۆچکەکانی قەزاکەدا دەگەڕێن.
“ئەو تەقەمەنیانەی بەتایبەت لە کاتی بۆنەکاندا بڵاودەکرێنەوە و بە منداڵان دەفرۆشرێن، دیاردەیەکی ناشیرینن و بۆ منداڵانیش مەترسین و هاوڵاتیان بێزار دەکەن”.
وتیشی، “تەقەمەنی بە هەر منداڵێک ببیندرێت لێپێچینەوەی لەگەڵ دەکرێت تا بزاندرێت لەکوێ کڕیویەتی و لیژنەکە بگەنە ئەو مارکێت و دوکانانەی دەیفرۆشن تا سزایان بدەن”.
ساڵانە لەگەڵ نزیکبوونەوەى جەژن و بۆنەکان، بازاڕى تەقەمەنى و یارییە ئاگرینەکان زۆر دەبێت و لە رۆژانى جەژندا منداڵان و مێردمنداڵان یارى پێدەکەن و دەبنە هۆى بێزارى خەڵک.
بە وتەی قایمقامی بازیان، ساڵانی رابردووش ئەو تەقەمەنیانە هەر قەدەغە کراون، “بەڵام ئەمساڵ بە تووندی سزای ئەو دوکاندارانە دەدەین تەقەمەنی بهێنن و بە منداڵانی بفرۆشن”.
