ئۆتۆمبێلە وەرگەڕاوەکە.
رانیە
لە رووداوێکی هاتوچۆدا کەسێک گیانی لەدەست دا
+964
ژێوار خدر – راپەڕین
ئەمڕۆ لە رێگای قوڕەگۆ – دەربەندی رانیە لە ئەنجامی وەرگەڕانی ئۆتۆمۆبێلێکی تۆیۆتا لاندکروزەردا شۆفێرەکەی گیانی لەدەست دا.
عەلی ئیسماعیل، وتەبێژی هاتوچۆی راپەڕین بە 964ـی وت: رووداوەکە کاتژمێر یەکی نیوەڕۆ لە رێگەی قوڕەگۆ بۆ دەربەندی رانیە روویداوە، ئۆتۆمبێلەکە لە جۆری تۆیۆتا لاندکروزەری تایبەت بووە، کۆنتڕۆڵی لەدەستداوە و وەرگەڕاوە و لە ئەنجامدا شۆفێرەکە گیانی لەدەستداوە.
وتەبێژی هاتوچۆی راپەڕین وتیشی شۆفێرەکە تەمەنی 51 ساڵە و دانیشتوی قەڵادزێیە.
پێداچوونەوە: ئەرسەلان عەبدوڵا
