وێنەی چاپی 25 هەزار دیناریی عێراقی - وێنە: 964
رەوانەی بەغدا کرا
لیستی موچەی مانگی ئادار پلە بەرزکردنەوەی تێدا نییە
964+
ژووری هەواڵ
وەزارەتی دارایی و ئابووری حکومەتی هەرێم لیستی موچەی مانگی ئاداری رەوانەی بەغدا کردووە و ناوی سەرجەم فەرمانبەران و موچەخۆرانی سەربازی و مەدەنی تێدایە.
ئەمڕۆ دووشەممە 1.4.2024، سەرچاوەیەک لە وەزارەتی دارایی بە 964ـی راگەیاند، هاوشێوەی مانگی شوبات لیستی سەرجەم فەرمانبەران و موچەخۆرانی سەربازی و مەدەنی بۆ مانگی ئازار رەوانەی بەغدا کراوە.
لە بارەی لیستی پلەبەرزکردنەوەی فەرمانبەران و موچەخۆران، ئەو سەرچاوەیە وتی، “جارێ ئامادە نەبووە کاری لەسەر دەکرێت”.
لە رۆژی شەممەوە دابەشکردنی موچەی مانگی دوو لە هەرێم دەستیپێکردووە و بەگوێرەی ئاماری وەزارەتى دارایى و ئابوورى حکومەتى هەرێمى کوردستان، بۆ دابینکردنى موچەى یەک مانگ بڕى 949 ملیار دینار پێویستە.
