دیمەنێک لە یاریی عێراق و فلیپین. فۆتۆ: فیدراسیۆنی عێراق
زیاتر لە 63 هه‌زار كه‌س ئاماده‌بوون
عێراق بە زەحمەت بردنەوەی تۆمار کرد
964+
ئه‌رسه‌لان عه‌بدوڵا
هه‌ڵبژارده‌ی عێراق له به‌رده‌م زیاتر لە 65 هه‌زار هانده‌ر له به‌سڕه، به زه‌حمه‌ت و به گۆڵێك له هه‌ڵبژارده‌ی فلیپینی برده‌وه.
یارییه‌كه شه‌وی رابردوو له گه‌ڕی سێیه‌می پاڵاوتنه هاوبه‌شه‌كانی مۆندیالی 2026 و جامی ئاسیای 2027 له یاریگه‌ی به‌سڕه كرا و تێیدا عێراق به 1-0 گۆڵ یارییه‌كه‌ی برده‌وه.
تاكه گۆڵی یارییه‌كه له خوله‌كی 84 له لایه‌ن موهه‌ننه‌د عه‌لی، ناسراو به میمی تۆمار كرا.
عێراق به‌م بردنه‌وه‌یه به 9 خاڵ پله‌ی یه‌كه‌می كۆمه‌ڵه‌ی شه‌شه‌می گرتووه، دوای چوار رۆژی دیكه و له 26ی ئه‌م مانگه له مانێلا رووبه‌ڕووی فلیپین ده‌بێته‌وه له یاریی گه‌ڕانه‌وه‌ی قۆناغی كۆمه‌ڵه‌كاندا.