دیمهنێكی كاتى بهستنی یهكێك له ئامێرهكانى له بیرێكی قهزاى قوشتهپه... وێنه: ئاوى دهوروبهرى ههولێر
25 دهنكه كلۆر بۆ مانگێك
بیره ئاوهكانى دهوروبهرى ههولێر تهندروست دهكرێن
964+
فهرهاد حهسهن
ئاوی دەورووبەری هەولێر بۆ تهواوى بیرهئاوهكانى سنوورهكهى ئامێرێكی تایبهت به مادهى كلۆر لهسهر بیرهكان دهبهستێت و له ئێستاشدا كارى لهسهر بهشێك لهو بیرانه كردووه.
لهسنوورى دهرووبهرى ههولێر ههزار و 500 بیر ههن و ئهركى چاودێریكردنیان لهلایهن بهڕێوهبەرایهتى ئاوى دهوروبهره.
رێزان سهعدى، بهڕێوهبهرى ئاوى دهورووبهرى ههولێر به 964ـى وت، پلانێكی بهردهوامى بهڕێوهبهرایهتییهكهیانه، بۆ دابینکردنی ئاوێکی پاک و تەندروست مادهى كلۆر بۆ تهواوى بیرهكان بهكاردههێنن.
وتیشی “بۆ ههر بیرێك 25 دانه كلۆر بۆ ماوهى مانگێك بهكاردههێندرێت و لهرێگهى ئامێرێكى تایبهتهوه كلۆرهكه دهخرێته ناو بیرهكهوه”.
ئهو ئامێرهى كه بۆ بهكارهێنانى كلۆرهكه بهكاریدههێنن، بهقسهى رێزان سهعدى خۆیان دروستیان كردووه و دهشڵێت “پێشتر ئامێرێكى دیكهمان بهكاردههێنا ئهویش دهركهوت وهك پێویست نهبوو”.
ئاماژهى بهوهشكرد، بیرهكانى سنوورى قهزاى قوشتهپه و ناحیهى شهمامك و چهند بیرێكیش له سنوورى شهقڵاوه و ناحیهى كهورگۆسك كاریان لهسهر كراوه، له داهاتووش كار لهسهر تهواوى بیرهكانى سنوورى بهڕێوهبهرایهتییهكهیان دهكرێت.
