ئەگەر خەوتان تێکچووە گوێ لە رێنماییەکان بگرن
رێکخستنی کاتەکانی خەوتن لە مانگی رەمەزاندا
964+
ژووری هەواڵ
خەوتنێکی تەندروستی شەوانە، وەکو گرنگترین سەرچاوەی وزە بۆ زیندەچالاکیەکانی رۆژانە کە تێدا بەرۆژوو دەبن، زۆر پێویست و گرنگە بۆ ئەوەی تەواوی رۆژەکە هەست بە خەواڵویی و ماندووبون و بێتاقەتی و نەمانی تەرکیز نەکەن.
بۆیە لێرەدا، باسی ئەو ڕێنماییە بەسودانە دەکەین کە پێویستن بۆ خەوتنێکی تەندروست لە مانگی رەمەزانی پیرۆزدا.
سەرەتا پێویستە لە درەنگانی شەودا هیچ خواردن و شەربەت و کافیینێک نەخۆین، چونکە وا دەکات زیاتر چالاک و بەئاگابین و توشی خەوزڕان و ئازاری گەدە و دڵەکزێ بین.
هەروەها دوورکەوتنەوە لە خەوتنی دوای رۆژوو شکاندن چونکە زیان بەتەندروستیمان دەگەێنێت و وا دەکات سیستەمی هەرسکردن تێک بچێت و توشی دڵەکزێ و سوتانەوەی گەدەش بین.
باشترین کاتەکانی خەوتن بریتین لە پێنج کاتژمێری خەوتنی شەوان واتا پێش پارشێوان و دوو کاتژمێر خەوتنی دوای پارشێوان و نیو بۆ یەک کاتژمێری خەوی دوای نیوەڕوان.