بەڕێوەبەرایەتی گشتی کارەبای سلێمانی - وێنە: 964
ئەم کارە نەکەن کارەبایان دەبڕێت
کارەبای سلێمانی هۆشداری دەداتە دانیشتوانی 20 گوند
964+
پێشەوا محەمەد
کارەبای سلێمانی هۆشداری دەداتە دانیشتوانی 20 گوند، ئەگەر پێوەری کارەبا نەبەستن ئەوا کارەباکانیان دەبڕدرێت.
لیژنەکانی پشکنینی بەڕێوەبەرایەتیی کارەبای سلێمانی بەسەر ئەو گوندانە دەگەڕێن و لە بوون یان نەبوونی پێوەری کارەبا دڵنیا دەبنەوە.
سیروان محەمەد، وتەبێژی کارەبای سلێمانی بە 964ـی راگەیاند، ئەو 20 گوندە لەو 40 گوندانەن کە کەوتوونەتە ناو ماستەرپلانی نوێی سلێمانی و وەک گەڕەکی نوێی شاری سلێمانی مامەڵەیان لەگەڵ دەکرێت.
وتیشی، “دەبێت هەموو ماڵێکی ئەو گوندانە پێوەری زیرەکی کارەبا ببەستن و کۆنتڕۆڵی کارەباکەیان وەک ئەوانەی ناوشار بێتەوە بەڕێوەبەرایەتیی کارەبای سلێمانی”.
گوندەکان بریتین لە:
*تانجەرۆ.
*ئالی ئاوا.
*کانی سپیکە.
*گۆپیتە.
*ناوگردان.
*سەماوات.
*بەردەکەڕ.
*سەد و بیست.
*زڕگوێز.
*کانی شاسوار.
*دارەڕەش.
*ڕەمەزان.
*ژاڵەی سەر و خوار.
*ژاڵەی جەزا جاف.
*هوانە.
*فەرەج ئاوا.
*شێخ وەیساوا.
*رازیانە.
*گۆماو.
*سولەکان.
