دیمەنی سەردانی وەزیری پەروەردە بۆ یەکێک لەو قوتابخانەنەی هەولێر کە لە تەواوبوندایە.وێنە.وەزارەتی پەروەردە
کەمتر لە دوو مانگی ماوە
سێ قوتابخانەی نوێ لە هەولێر لە تەواوبووندایە
964+
توانا نەقی
سێ بینای نوێی قوتابخانە لە هەولێر کە 18 پۆلین لە تەواوبووندایە و لە ماوەی دوو مانگی دیکەدا رادەست دەکرێنەوە.
ئەمڕۆ سێشەممە، وەزارەتی پەروەدەی هەرێم بڵاویکردەوە، وەزیری پەروەردە سەردانی هەریەک لەو قوتابخانانەی کردووە و کە دەکەونە سێ گەڕەکی شاری هەولێرەوە.
ئەو گەڕەکانەی کە قوتابخانە 18 پۆلیەکانی تیادا دروستدەکرێت پێکهاتوون لە گەڕەکەکانی رۆشنبیری، زاگرۆس و گوڵانی نوێ لە بنەسڵاوە.
ئەوەش هاوتووە، وابڕیارە قوتابخانەکان تا 10.5.2024 واتا پاش دوو مانگی دیکە رادەستی وەزارەتی پەروەردە بکرێنەوە و دەخرێنە خزمەت مامۆستایان و قوتابیانی ئەو گەڕەکانە.
لە سالی 2023 بە قسەی وەزارەتی پەروەردەی هەرێم ، 105 قوتابخانەی نوێ لە هەرێمی کوردستان دروستکراون و زیاتر له 560 ژووری قوتابخانه و هۆڵی خوێندن زیادکراون.
