ساتى ئاهەنگگێڕانى یاریزانانى ئارسناڵ لە کاتى گۆڵى بردنەوە لە یانەى برینفۆرد وێنە: پێگەى سەرەکى ئارسناڵ
چاوەڕێى یارییەکەى لیڤەرپوڵ و مان ستییە
گەنەرز چووە لوتکە
964+
وریا فەتاح
یانەى ئارسناڵى ئینگلیزى، یارییەکەى هەفتەى 28ـى بەسەرکەوتن کۆتایى پێهێناو چووە لوتکەى ریزبەندى پریمەرلیگ، چاوەڕێى ئەنجامى یارییەکەى سبەینێى مانچستەر ستى و لیڤەرپوڵ دەکات.
کەمێک پێش ئێستا، ئارسناڵ بە دوو گۆڵ بەرامبەر بە گۆڵێک لە برینفۆردى بردەوە و سێ خاڵى لە زێڕى یارییەکەى خستە سەر کۆى خاڵەکانى و گەیشتە لوتکەى ریزبەندى پریمەرلیگ.
ئارسناڵ 64 خاڵى هەیە و پلەى یەکەمى بەشێوەیەکى کاتى وەرگرتووە، چاوەڕێى یارییەکەى سبەینێى نێوان لیڤەرپوڵ و مان ستى دەکات و ئەنجام هەرچییەک بێت لە بەرژەوەندى گەنەرز دەشکێتەوە.
لیڤەرپوڵ لە 27 هەفتەدا 63 خاڵى کۆکردووەتەوە و بەجیاوازى خاڵێک کەوتووەتە دواى ئارسنا، مانچستەر ستیش 62 خاڵى هەیە و لە پلەى سێیەمە.
ئەگەر سبەینێ یارییەکە بە یەکسانبون کۆتایى بێت ئەوا ئەرسناڵ بە جیاوازى گۆڵ لە پلەى یەکەم دەمێنێتەوە، ئەگەریش لیڤەرپوڵ یارییەکەى بباتەوە، ئارسناڵ بە جیاوازى دوو خاڵ لە پلەى دووەم دەکەوێتە پێش مانچستەر ستى، لە حاڵەتى پردنەوەى ستیزنیش، ئارسناڵ هەر لە پلەى دووەم دەمێنێتەوە و بە جیاوازى یەک خاڵ لە دواى ستى دەبێت و دوو خاڵێکیش دەکەوێتە پێش لیڤەر پووڵ.
بەپێى ئەم شیکارییە، دواى بردنەوەى ئارسناڵ لە برینفۆرد، ئەنجامى یارییەکەى لیڤەرپوڵ و مانچستەر ستى هەرچۆنێک بێت، ئارسناڵ سودمەندێکى سەرەکى ئەم هەفتەیە دەبێت.
ئارسناڵ لە 2024دا، هەشت یارى لە پریمەرلیگ ئەنجامداوە و سەرجەمیانى بردووەتەوە و 31 گۆڵى کردووە و تەنیا 4 گۆڵیشى لێکراوە.
