درۆنێکی سوپای تورکیا لەسەر ئاسمانی رۆژئاوای کوردستان. وێنە:روانگەی سوری بۆ مافەکانی مرۆڤ.
لەماوەی ئەمساڵدا
تورکیا 70 جار بە درۆن هێرشی بۆسەر رۆژئاوای کوردستان ئەنجامداوە
964+
فەهمی نەبی
روانگەی سوری بۆمافەکانی مرۆڤ رایگەیاندووە، لەماوەی سێ مانگی رابردوودا تورکیا لەرێگەی درۆنەوە 70 هێرشی بۆسەر ناوچەکانی خۆبەڕێوەبەری لە رۆژئاوای کوردستان ئەنجامداوە.
ئەمڕۆ هەینی لە ئامارێکی نوێیدا روانگەی سوری بۆمافەکانی مرۆڤ دەڵێت، بەهۆی ئەو هێرشە درۆنیانەی تورکیاوە 18 کەس گیانیان لەدەستداوە، 17 کەسیش بریندارن.
لەو 18 کەسەی گیانیان لەدەستداوە 14ی چەکداری سەر بە بەڕێوەبەرایەتی خۆسەر بوون.
بەگوێرەی ئامارەکە زۆربەی هێرشەکان لە پارێزگای حەسەکە بوون، کە ژمارەیان 54 هێرش بووە.
