حەمید بانەیی وادەڵێت
“پشتیوانی لە کۆمەڵێک دەکرێت کە هونەرمەند نین و زەربەیان لە هونەری کوردی داوە”
+964
دیلان محەمەد- سلێمانی
هونەرمەندی ناسراو حەمید بانەیی دوای چەند ساڵێک وەستان لە کاری هونەری بەمزوانە لە کۆنسێرتێکی موزیکدا بەشداری دەکات و هۆکاری وەستانیشی دەگەڕێنێتەوە بۆ نەبوونی پاڵپشتی دارایی و نایەوێت زەرەرمەند بێت.
بڕیارە هەفتەی ئایندە لە سلێمانی ئۆرکێسترای ماڵی موزیک بەڕێوەبچێت بە بەشداری هەریەک لە هونەرمەندان حەمید بانەیی و کامەران مستەفا، لە لێدوانێک تایبەتدا بۆ 964 حەمیدی بانەیی وتی، “ساڵانێکە وەستاوم بەهۆی نەبوونی پاڵپشتی دارایی و بڕیارە سێ بەرهەمی نوێم لە ئۆرکێسترای سلێمانی پێشکەش بکەم”
حەمید بانەیی لە قسەکانیدا باسی لەوەش کرد لە ئێستا گرنگی بە کۆمەڵێک دەدرێت، کە هونەرمەند نین و زیانیان بە هونەری کوردی گەیاندووە، لە ئێستاشدا سەرقاڵی بەرهەمهێنانی چەند کتێبێکە لە بواری موزیک.
پێداچوونەوەی : پەری ساڵح
