لە دهۆک
بۆ ئەوانەی چوارساڵ جارێک رۆژی لەدایکبوونیانە کێکێکی 10 مەتری دروستکرا
964+
هیڤی دێوالی – دهۆک
لە شاری دهۆک بۆ یەکەمجار بۆ ئەو منداڵانەی رۆژی 29.2 لەدایک بوون کێکی 10 مەتری دروستکرا.
چالاکیەکە ئەمشەو لە فاملی مۆڵی دهۆک بەڕێوەچوو، 217 منداڵ بەشداری چالاکیەکەیان کردبوو.
بڕیارە چوارساڵ جارێک ئەو چالاکیە لە فامیلی مۆڵی دهۆک ئەنجام بدرێت، ماوەی هەفتەیەکە ناوی ئەو منداڵانە دەنوسن کە لەو رێککەوتە لەدایک بوون.
ئەحمەد حازم بەڕێوبەری بەبازاڕکردنی فاملی مۆڵی دهۆک بۆ 964 وتی، یەکەمجارە ئەو چالاکیە رێکدەخەن، جگە لە دروستکردنی کێکێکی 10 مەتری منداڵان دیاری و شیرینیان بەسەردابەشکراوە.
چوار ساڵ جارێک مانگی شوبات 29 رۆژ دەبێت، ئەو رێکەوتە کەوتە ئەمساڵ.
