لە سلێمانی
رێگای هەواری شار بەرەو تونێلی پێشڕەو بەکار مەهێنن
964+
دیلان محەمەد جەزا
بەهۆی ئەو شەپۆلی بەفرەی لە شەوی رابردوەوە رووی لە شاری سلێمانی و دەورووبەری کردووە، شەقامی هەواری شار بەرەو تونێلی پێشڕەو بەربەست کراوە.
ژمارەیەک ئۆتۆمبێل لە نزیک تونێلی پێشڕەو گیریان خواردووە و چاوەڕوانی تیمی پاکردنەوەی رێگاوبان دەکەن، تا رێگاکەیان بۆ پاک بکەنەوە.
ئەحمەد کامیل هاوڵاتی بە 964ـی وت، ویستوویانە بچن بەرەو ناوچەی شارباژێڕ، بەڵام بەهۆی بەستنی رێگاکەوە ئێستا گیریان خواردوە و ناتوانن دەربچن.
ئێستا تیمی پاککردنەوەی رێگاوبان سەرقاڵی پاککردنەوەی رێگاکانی شاخی ئەزمەڕ و گۆیژەن.
پێداچوونەوە: توانا نەقی
