گواستنەوەی کارەبای سلێمانی زیانی بەرکەوتووە

توانا نەقی

بەهۆی ئەو باران بەلێزمەیەی لە دوێنێ پێنج شەممەوە سنووری پارێزگای سلێمانی گرتەوە زیانی زۆری بە تۆڕەکانی گواستنەوە و دابەشکردنی کارەبا گەیاندوە.

ئەنوەر حەمە سەعید بەڕێوەبەری گشتی کارەبای سلێمانی رایگەیاند، شۆرتێکی زۆر دروستبووە و چەند هێڵێکی گواستنەوەی تەوژم بەرز لەکارکەوتووە.

دەشڵێت، زیاتر لە 35 فیدەری دابەشکردنی کارەبا لەناو شار و دەرەوەی شار لەکار کەوتوون.

ئاماژەی بەوەشکردووە، سەرجەم تیمەکانی چاکسایی هێڵەکانی گواستنەوەی وزەی کارەبا و سیانەکان لەکاردان بۆ چارەسەرکردنی کێشەکان

بەهۆی ئەو شەپۆلە بارانە بەهێزەی رووی لەناوچەکانی هەرێم کردووە لە زۆربەی ناوچەکان لافاو دروستببوو چەندین ماڵ و ئۆتۆمبێلی هاوڵاتیانیش زیانیان بەرکەوتووە.