لە یانەی قاسمی بردەوە
دهۆک لە کۆتا خولەک سێ خاڵی بەدەست هێنا
964+
زەید کۆچەر – دهۆک
لە خولی 13 قارەمانیەتی ئەستێرەکانی عێراق یانەی دهۆک لە یاریگای خۆی میوانداری یانەی قاسمی عێراقی کرد، لە دوا خولەکدا دهۆک بردنەوەی تۆمارکرد.
لە گێمی یەکەمی یارییەکە یانەی دهۆک بە ئاستێکی بەرزتر یاری کرد و چەندینجار مەترسی لەسەر تۆڕی یانەی قاسم دروستکرد، بەڵام هەموو هەوڵەکان بێ ئەنجام بوون و یاریەکە بەبێ گۆڵ کۆتایی هات.
لە گێمی دووەم یانەی قاسم چەندین هێرشی ئەنجامدا، لە خولەکی 60 راهێنەری دهۆک چەند گۆڕانکاریەکی ئەنجامدا، هێرشەکانی دهۆک دەستیان پێکردەوە و لە پێنج خولەکی زیادکراودا یاریزان جەبار کەریم لە خولەکی 95 گۆلی تۆمارکرد و یاریەکە بە ئەنجامی 1-0 کۆتایی هات.
یانەی دهۆک ئێستا لە ریزبەندی شەشەم دێت بە 21 خاڵ و قاسم بە 14 خاڵ لە ریزبەندی سیانزەهەمە.
پێداچوونەوە: فەهمی نەبی
