تەمەنی باخەکەی زیاتر لە 120 ساڵە
باخەوانێکی خانەقین: هۆکاری تامخۆشی پرتەقاڵی باخەکەم هی دار خورماکانە
964+
راژان باجەڵان – خانەقین
باخەوانێکی خانەقین شەش جۆر داری پرتەقاڵی لە سێبەری دارخورماکانی باخەکەی چاندووە، دەڵێت: زەوی خانەقین بۆ بەرهەمهێنانی مزرەمەنییەکان زۆر گونجاوە و هۆکاری تامخۆشی پرتەقاڵەکان هی دارە خورماکانن.
باخەکانی خانەقین ساڵانە هەزاران تۆن بەرهەمی پرتەقاڵ، نارنج، لیمۆ و لالەنگی دەنێرن بۆ بازاڕەکان.
ئومێد جاوید خاوەن باخێکی بەتەمەنی خانەقینە بۆ 964 وتی، “شەش جۆر داری پرتەقاڵ و شەش جۆر داری لالەنگی لە باخەکەم هەن”.
ئەو باخەوانە ئەوەشی وت، “باخەکەم زیاتر لە 120 ساڵ تەمەنیەتی، هۆکاری باشی جۆری بەرهەمی پرتەقاڵەکەی بۆ سێبەری دار خورماکانی باخەکەیە کە وایکردووە هاوین و زستان لەژێر سێبەری ئەو دارانە گەشە بکەن”.
جوتیارێکی کورد لیمۆی مزری بەرهەم هێنا
سەدا 25ی پرتەقاڵی دیالە لە خانەقینە
