نەوت
لەگەڵ هێرشەکانى ئەمەریکا
نرخى نەوت زیاتر دابەزى
964+
وریا فەتاح
لەگەڵ بەردەوامیی کێشەکانی دەریای سوور و هێرشەکانى شەوى رابردووى سوپاى ئەمەریکا بۆ سەر بنکە و بارەگاکانى سوپاى قودس و هێزە میلیشیاکانى نزیک لە ئێران، نرخى نەوت دابەزینى بەرچاوى تۆمارکرد و نزیکەى دوو دۆلار بۆ هەر بەرمیلێک لە نرخەکەى بووەتەوە.
ئەمڕۆ شەممە، نرخى نەوتى خاوى برێنت بە 77.33 سەنت مامەڵەى پێوە دەکرێت و بەڕێژەى 1.37 دۆلار دابەزینى بەخۆیەوە بینیوە، هەرچی نەوتى سووکى تەکساسیشە، هەر بەرمیلێکى بە 72 دۆلار و 28 سەنتە و بە رێژەى 1.54 دۆلار دابەزینى بەخۆیەوە بینیوە.
دابەزینەکە لە کاتێکدایە، شەوى رابردوو هێزەکانى ئەمەریکا هێرشەکانیان بۆ سەر بنکە و بارەگاکانى هێزە میلیشیاکان و گرووپەکانى سەر بە ئێران لە عیراق و سوریا دەستپێکرد و گرێ و ئاڵۆزییەکانیش لە دەریاى سوور بەردەوامن.