کارمەندەکانی ئاوی رانییە لە کاتی گۆڕینی غەتاسی بیری گەڕەکی شارەوانیدا - وێنە: بەڕێوەبەرایەتی ئاو و ئاوەڕۆ
"زوو زوو غەتاسیان دەسووتێت"
گۆڕینی غەتاسێک 300 ماڵی گەڕەکێکی رانییەی لە بێئاوی رزگار کرد
964+
پێشەوا محەمەد
غەتاسی بیری ئاوی گەڕەکی شارەوانی لە رانییە سووتابوو، بەڕێوەبەرایەتی ئاوی رانییە زوو فریای کەوتن و 300 ماڵی گەڕەکەکەیان لە بێئاوی رزگار کرد.
بەپێی وتەی بەڕێوەبەرایەتی ئاوی راپەڕین، نەیانهێشتووە 24 کاتژمێری بەسەردا بچێت و غەتاسەکەیان گۆڕیوە.
سەلام عومەر، بەڕێوەبەری ئاوی راپەڕین بە 964ـی راگەیاند، کێشەی ئەوەیان هەیە زوو زوو غەتاسی بیرەکانیان دەسووتێت و دەبێت بگۆڕدرێن.
وتیشی، “لە گەنجینەدا غەتاسەمان هەیە و ئەگەر نەشمانمێنێت داوای دەکەین بۆمان دابین دەکرێت، خۆشبەختانە تا ئێستا تووشی کێشە نەبووین و نەمانهێشتووە هاوڵاتیان بێئاو بن بەهۆی نەبوون یان دواکەوتنی غەتاسەوە”.
لەناو رانییە بەڕێوەبەرایەتی ئاو 70 بیری هەیە و 40%ـی ئاوی دانیشتوانی رانییە دابین دەکەن.
“بەردەوام بیری نوێی ئاو لێدەدەین، چونکە گەڕەکی نوێ بەردەوام لە زیاندبووندان و راستەوخۆش ناتواندرێت تۆڕی ئاویان بۆ رابکێشرێت”، ئەوەش قسەی سەلام عومەرە.
