هۆبەی فریاکەوتنی نەخۆشخانەی فێرکاری شەهیدانی قەڵادزێ. فۆتۆ: تەندروستیی راپەڕین
50 گەستنی سەگیش هەبووە
خەڵکی دەڤەری راپەڕین 400 جار دووپشک پێوەیداون
964+
ژووری هەواڵ
ساڵی رابردوو خەڵکی دەڤەری راپەڕین نزیکەی 400 جار دووپشک پێوەیداون، تەندروستیی ئیدارەکە دەڵێت، 50 حاڵەتی گەستنی سەگیش هەبووە.
بەگوێرەی ئامارێک کە لەلایەن بەڕێوەبەرایەتی تەندروستیی راپەڕینەوە بڵاوکراوەتەوە، لە ساڵی رابردوودا زیاتر لە 23 هەزار و 890 کەس سەردانی هۆبەی فریاکەوتنی نەخۆشخانەی فێرکاری شەهیدانی قەڵادزێیان کردووە و چارەسەریان بۆ کراوە.
لەو ژمارەیە 400 حاڵەتی پێوەدانی دووپشک و 50 حاڵەتی گەستنی سەگ هەبووە.
ئەمڕۆ چوارشەممە 3.1.2023، دیار ئیبراهیم، بەڕێوەبەری تەندروستیی راپەڕین، ئەو ئامارەی بۆ 964 پشتراستکردەوە و رایگەیاند، دوو هەزار و 80 برینداری جۆراوجۆریش چارەسەر کراون.
