ئەمڕۆ کۆتا رۆژ بوو
55 هەزار کەس سەردانی فێستیڤاڵی کفریان کردووە
964+
میلاد جەلال – گەرمیان
یەکەمین فێستیڤاڵی بازاڕ لە قەزای کفری، ئێوارەی ئەمڕۆ شەممە کۆتایی ھات و 55 ھەزار گەشتیار سەردانیان کرد.
فێستیڤاڵەکە لە 28.12.2023 دەستیپێکرد، ماوەی سێ رۆژ بەردەوامی ھەبوو.
رەحیم کەریم بەڕێوەبەری گەشتوگوزاری کفری بە 964ـی وت، ئەم فێستیڤاڵە سەرەتایەکی باشبوو بۆ ئەنجامدانی پرۆژەی گەورەی گەشتیاری و بازاڕگەری لە قەزای کفری، جوڵەیەکی ئابوری باشیشی دروستکردبوو لە ناوچەکە.
لە فێستیڤاڵەکەدا خواردنە کوردەواریەکان و کاری دەستی و بەرھەمی کۆمپانیا ناوخۆییەکان نمایشکران، ئەوەی بتویستایە دەستت دەکەوت.
کەنعان ئەحمەد سەرپەرشتیاری فێستیڤاڵەکە بە 964ـی وت، لە ماوەی سێ رۆژی فێستیڤاڵەکە نزیکەی 200 خاوەنکار لە رێگەی 107 کۆشکەوە بەرھەمەکانیان ساغدەکردەوە.
ئاماژەی بەوەشکرد، نزیکەی 55 ھەزار کەس سەردانی فێستیڤاڵەکەیان کردووە ، بە بڕی نزیکەی 400 ملیۆن دیناریش ئاڵوگۆڕی بازرگانی کراوە.
پێداچوونەوە: توانا نەقی
